[ماجد الزيد]

المشاركة الأصلية كتبت بواسطة متعب المتعب

والله ياجماعة مناسبة القصيدة : /


لي أخو اسمه ((أمين)) وهو فعلا اسم على مسمى , وسألته

هاه بشـّر شسويت ؟؟ كيف نتيجة الثانوية العامة ؟؟

رد علي : قال ابشرك اربع مواد وكل مادة فصلين بعد !!


قلتله والله خوش بشاره يالدب .

قال : لا وبعد أبهديك قصيدة حق انهم رسبوني

وربي ماعندهم دم وانا رجالن مجتهد !!!


قلتله نعنبو دارك وينك ووين الاجتهاد ماغير ذبحك الاكل والنوم

ودروب الهواويه لين ضيعت حالك وحال السولعية يامجنون ليلى .

خبرت الطلاب يهلون العامريه دم ,, وانت ماغير تضحك , وخبرت الطلاب

مايفكرون بالنجاح وبس - - - همهم المعدل وانت ماهمك


وامين هذا شويعر وانتم عاد عليكم الحكم بشاعريته وانا علي آخذ الخيزرانه

واجلده فيها لين يقول ان الله حق بسبب رسوبه

(( هو الوحيد من اخواني اللي يكره شي اسمه دراسه ))

(( وقريب لي جدااا رغم رسووووووووبه ))


هو يقول :

قصيدته بعنوان / الثانويّة

يرضيك ؟؟؟ من ميّه أنا .. آخذ اثنين=متعب حرام وظلـم واكبـر خطيّـه
يبوني اعيـد السنـه بعـد عاميـن=يلعـن أبـو مـن صـدّر الثانويـه
الأسئلـه متعقّـده فالـهـا شـيـن=مالهـا عنـدي يالخـوي قابلـيـه
والا الوزاره ضيقـوا خاطـر أميـن=جابـوا عمـوم الأسئلـه محوريـه
قالولي عرّف مايلي ؟؟: قلت هالحين=ولو تطلبون اكتـب عليهـا وصيـه
مادريوا اني سارحن في هوا الزيـن=وصارت عليهم في حياتـي قضيـه
لهم علينا فـي بحـر حبنـا ديـن=ولنـا عليهـم بالهـوى جاذبـيـه
ولنا عليهم طلبتـن مالهـا اثنيـن=يبكـون قلبـي والجـروح الشقيـه
رن الجرس قال المراقب على وين ؟؟=قلـت اسمحولـي مابقـى مقدريـه
بروح اكلم شيخـة الزيـن والزيـن=فـديـت انــا والله هالسولعـيـه
لو الـوزاره تفتـح القلـب وتعيـن=كـان انقلـب هـم الـوزاره عليّـه

7
7

ردي عليه وعلى السريع بدقائق وربي :

7
7

أمين ياجعلك لبقعـا قـل آميـن=راسب وتضحك بالسنون البهيـه
يالعنبـو دارك ودار المحبـيـن=أدري دمرك الحـب والسولعيـه
حبك برص جعل البرص للعدوين=لاصرت راسب اطلـق العامريـه
إكذب ولو مرّه وقلي خبـر زيـن=جايب لنا خيبة رسوبـك هديـه
من عذرهم معطوك إلاّ درجتيـن=وش الغرابه يالهـواوي البليّـه
دامك تذاكر بس روس العناوين!=وتسكّـر الدفتـر ودايـم كذيّـه
وتاكل من النعمه ووزنك ثمانيـن=غديـت كنـك كورتـن دايريـه
ياامين مدري عنك والله يااميـن=أتعبتنـي والله يشهـد علـيّـه
ساقط بحاسب والبلاغه وثنتيـن=مع النحـو والإنجليـزي سويّـه
وليته فصل بس المصيبه بفصلين=وتقول ياخي والله اكبـر خطيّـه !!
وش الخطيه دام من ميه اثنيـن؟=والله زيادة مثلـك أكبـر قضيّـه
هذي وزاره مو معالي ونرميـن!=وزارتن تبغـى عزومـن قويـه
ياامين احبك والمشاعر براهيـن=والا العفـو ياخـوي بالمقدريـه

\
\

وربي متعديه متعديه هههههههههههههههههه اضحك الله سنك وسن امين والله لايفرقكم