التطرف لا بدا في أي ديره= فابحث الأسباب تلقاها الفساد
فالتطرف ردة الفعل الكبيره= لأي تغيير مفاجي بالبلاد
مجتمع مغلق من دهور كثيره= لا انفتح فجأه ضرب مخ العباد
تنتشر امراض نفسيه خطيره= في البعض والبعض يفقد للرشاد
ويرتفع سقف الطموحات الصغيره= للثراء بسرعه بلا فكر وسداد
في تجاره تنتج ارباح وفيره= بالمخدر والدعاره باجتهاد
والأمانه تنتهي لحظه قصيره = ومن تولى امر يبدا الإصطياد
بين سرق ونهب واشياءٍ حقيره= وامن كالغير ماخاف الهجاد
مجتمع تايه ولا يدرى مصيره= كل واحد غاطسٍ وسط الرماد
من بعد ماكان محكوم بعشيره= وكل جار صاير لجاره عماد
والتدين صدق من طهر السريره= لا نفاق ولا ترهبل وانتقاد
والرجل يحمي لعرضه فيه غيرَه = وماتعرف البنت روحه وابتعاد
كل هذا زل مع شمس الظهيره= والنتيجه واضحه وقت الحصاد
انقسام الناس في شبه الجزيره= بين فاسد او منافق باعتداد
او متأمرك جايب افكارٍ غريره = او متطرف مافهم معنى الجهاد
كل تغيير مفاجئ له جريره = ومن تجاهل درس غيره ما استفاد
والبلد فيها عقول مستنيره= لو تشاور جابت العلم الوكاد
انتقال بالتدرج فيه خيره = دون تفريط بثوابت للعباد
وتوعيه للناس في قريه وديره= حتى نرفع عقل عايش ف الكساد
لين يصبح جاهز بنفس قريره= ينتقل للعصر عن نضج ورشاد
فالتحضر دون وعيٍ او بصيره= ينتج آثارٍ وخيمه بالبلاد
الطائر المهاجر
لافظ فوك على هذه الرائعه
حاولت اقتبس منها بيت اوبيتين
ولكن وجدت اني مظطر لاقتباسها كامله
وماذاك الا لجمالها كلها صح لسانك ايها العذب
هاكذا يكون الشعر والا فلا