يا صاح .. لو كثروا هل القيل والقال=المحترم يفرض عليك احترامه
يلبس لك من الوقار شماغ وعقال=مجبور .. تلبس من وقاره عمامه
يا مرتجين الوصل .. والكلمة وصال=وانا وصالي لو بغيت .. ابتسامه
ادري الوصال اقبال .. والبعد قتال=لكن مدري .. وش حلاله / حرامه
كم خبل عقولنٍ وكم ضيع رجال=وكم فتل اشنابٍ ووسم وسامه
وانا خذيت عقول ناسٍ وعقّال=ومن قصيدي ظللتهم غمامه
الوقت .. ماني منتظرته ليامال=بامسكه قبل يميل وامسك زمامه
خيّرت بين الناس .. مع رب الآجال=واخترت دربٍ في ولوجه سلامه