ياليـل ساجـي والـجـوى يتـعـب الــروح
يشعل لضى الحرمان في وجد ماباح
كني على جمر الغضى وانشق الفوح
لـــوي حـديــدً كـــان مـــن حــرهــا فــــاح
عزي لقلبٍ فـي الهـوى صـب مجـروح
من فرقة اللي قبـل رشـف الهـوى راح
اسـهـر عـلـى دكـــراه واقـــول مـسـمـوح
مـــن عـقــب مافارقـتـهـم مـابــه افـــراح
مـاحـل قلـبـي عقـبـهـم حـــب مـسـفـوح
يـاعــل خـلــي عـايــش الـيــوم مـرتــاح
يـالـيـل بلـغـهـم سـلامــي مــــع الــبــوح
الـلـي بـنـا حـيـو زمــان اهــل الامــداح
قالـو لـي امــدح دام لــك زنــد مـقـدوح
اهــل المنـاصـب قـلـت مـانــي بـمــداح
الا الهـوى مدحـه مـن القـاف مطـروح
لاجـل الهـوى والحـب لـي قــاف قــداح
ياليـل ماعـد غــرد الطـيـر فــي الــدوح
طـار اليمـام وخـافـق الـصـب مـاانـزاح
في قمة الروعه
وفيت وكفيت ياشاعر
لاهنت
تقديري لك