قالوا إنته ، تقرض القيفان ،، يالشاعر قريض
قلت ماعندي ،، سوى ،، خيل القريحة اسرجه
لاطرتلي ، زينة الأوصاف ، أبدّع ، واستهيض
كل ما ،، قامت ،، تهصّر ،، كنها ،، ترقى درجة
الهوى والشوق ،، يظهر لي بممشاها نقيض
لا احتوى قلبي الهوى شوقي تدخّل واخرجه
صرت انا ما بينهم ،، مثل المعالج ،، والمريض
من كثر ما يسأله ،، لأسباب ما فيه ،، احرجه
طالت الجلسة وكشفه صار موضوعه عريض
وصار من كثرة جلوسي كن في رجلي اعرجه
قلت له ياسيّدي ،، والدمع ،، من عيني يفيض
لا تظن ،،، ان حبنا ،،، كله ،،، مزاح ،، وبهرجه
حبنا اللي كان عالي وصل الى حد الحضيض
و الحظوظ ، أرزاق ،، وهمّي ،، فيه رب ٍ يفرجه
وبعد يوم إني عزيز ،، وساكن القلب الغضيض
إختلف وضعي واسمي ، بلستة الحظر أدرجه
محمد بن عمار