قالو تحب العين غمضتنا العين=وهزيت راسي قلت واموت فيها
الديره اللي كل شيٍ بها زين=أحبها والعين تدمع تبيها
القلب فيها ذاب موجود للحين=راح وتركني والحكم في يديها
ديرت شيوخ وطيب ديرت سلاطين=كم شيخ قومٍ بارزٍ من ذويها
سكانها بالطيب والخلق عالين=ليت الظروف اتزين لي كان اجيها
لا مانسيت العين ياكاحل العين=روح الجعيدي ياغلا تفتديها
تعال ابرسل معك للعين بيتين=فيها بعض حب الذي مانسيها
يالعين حبك سار وسط الشرايين=وصورتك بعيوني مغمض عليها
في ذمتي للعين ياطارشي دين=اكيد ابفي دينها يوم أييها