[سعيد عوده الحويطي]

اقدم لكم هذه القصيدة وارجوا ان تحوز على رضاكم

من هجوس الشعر وحروف القوافي=انظم الاشعار وبيوت القصيده
اغوص في بحور القصايد باحترافي=واتخير من نوادره وفريده
واشربه شرب الظوامي نبع صافي=الى حداها الصيف واشتاقت وريده
ولا كتبت الشعر يجي معناه وافي=يطرب الاسماع في القاه ونشيده
واسال اللي عالم سر الخوافي=يا عسى مانكتب الا من مفيده
وما جعلت الشعر هو اخر مطافي=والا رجيت من القصيد الا حميده
الى رفعني للمكان اللي يشافي=واشروا لي بالبنان اني اجيده
عندها يالله سترك والعوافي=من اغواي ابليس والنفس العنيده
والله انه غايتي واعظم اهدافي=طاعة اللي كلنا خلقه عبيده
اللي امره بين نون وبين كافي=والى قضاله امر يفعل ما يريده
اعوذبه من كل زله وانحرافي=عن طريق الحق والدرب السديده