[الطائر المهاجر]

احدٍ بدخل النفط شيّد حضارات = وصنّع سلاح يرهب الطامعينا
وبنى لسكانه مساكن بالوفات = وزرع بلاده بين قمحٍ وتينا
واسس مراكز بحث فيها اختراعات= في جامعات تنتج المبدعينا
واحدٍ يورد ما رخص من صناعات=حتى الأكل يستورده كل حينا
مشْغل لسكانه برفع العقارات = والغالبيه مالهم من يعينا
يشرون بالآقساط اشباه فيلات= مبنى تجاري يخدع المشترينا
واراضيٍ مشبوكة بكل اتجاهات = ياويل من جاها من النافذينا
يشيب راس الرجل والعمر لو فات= فرويتبه مابين قسطٍ ودينا
حتى الوظايف اصبحت مستحيلات= والاجنبي يرثع شمال ويمينا
رغم الدعم من والي الأمر بالذات =يبي رفاه الشعب والقاطنينا
السرق ماشي في جميع المجالات= ولا احدٍ يحاسب دام يلقى عوينا
علمك بمسؤول فقيرٍ وشحات = وفجأه غدا هامور كنزه ثمينا
والدين نفسه داخلٍ بالمزادات = كل يبيع ويشتري به سمينا
عم الفساد وطال كل المسافات = حتى "نزاهه" ما قوت له يقينا
دام الضماير اصبحت ضمن الاموات= فسلم على نفطٍ جعلنا هجينا