[الطائر المهاجر]

غناء ابوريم

وغناء فهد


بصوتي

لا ترحلي ماني على البعد قاوي = لا ترحلي يكفي فؤادي نزيفه
لا تتركي القلب المعنّا الشقاوي = يصارع الآلآم مثلوم سيفه
يكفي زمـان مْخيّب للهقـاوي = انهى ربيعه وابتدا في خريفه
تكفيني الاوجاع فالعـود ذاوي = والحال من بلوى الليالي رهيفه
كلش ولا انتي مبعـدٍ بالحراوي = تلعب بك الامواج لو هي خفيفه
ماسرع نسيتي ضحكنا والغناوي= ما سرع حرقتي القلب وانتي مصيفه
طاوعتي العـذّال واهل الحكاوي= وصرنا ضحيّه للعقول الضعيفه
لا تقهريني وتبعدين الخطـاوي= الحر ما يقبـل مذلّه بكيفه
اتعـوّذي بالله من كل واوي = همّه يفرّقنـا بكلمه سخيفه
ولا تتبعي الشيطان واهل الشهاوي= ولا يخدعك وقتٍ تلوّن بزيفه
عـودي لحبٍ تايهٍ كالخـلاوي = عودي لقلبي كود ياقف نزيفه