[الطائر المهاجر]

القاء

تعلمت من دنياي ما قول مرحبا = لنذل وليئمٍ ضاريٍ بالجحايد
ولا امد كفي للذي عقّ بالأبا= وتناسى حقوق الوالدين الكوايد
نسى فضلهم ومنهو السبب يوم اُنجبا= ومنهو رعاه وصد عنه الشدايد
واذا الكلب يعرف بالوفا مثله يهبا= رمادٍ تناثر خلّفته الوقايد
وترى مقعد الرجال لو هو مع قربا = على الغبن يورثه القهر والنكايد
واذا هو رضى بالوضع او قام ينحبا = فلا هوب رجل ينحسب في البدايد
فاذا ضاقت بوجهك ترى الكون ارحبا = فدارٍ بدل دارٍ تشوف الفوايد
تفرّج همومك باختلاطك مع غربا= وتعمل وتجني يوم وقت الحصايد
وتعرّف على رجالٍ يصيروا لك صْحبا= وتعلّم وتكسب من علومك عوايد
وتعلمت ما اقعد مع خبيثٍ واجربا= على الطول يرميني بوسط المصايد
ولا انام بارضٍ حولها جحر عقربا = اذا نمت تلسعني بزيدٍ وزايد
من فروخها ممن على سمها ربا = ولو كنت ماشي في طريقي محايد
وبيتٍٍ بني بالسرق والنهب والربا = اساسه هيار منذرٍ بالهدايد
ومن لايخاف الله خله وجنّبا = ضميره عدام فلا تعده سنايد