[الطائر المهاجر]

كيبورديه عاجله ...جاء في الأخبار ان وزير خارجيه المانيا امر الصحف الأوربيه بإعادة نشر الرسوم المسيئة للرسول صلى الله عليه وسلم

سلام الله على من قاد امّه = لدرب النور لا ليلٍ وغمّه
على هديه علينا كل قمه= بدين الله في عزمٍ وهمه
واشوف اليوم من يجهل بأمه= ينفذ مايبي سيده وعمه
بطعناته ورسماته وسمّه = يبي يثأر بعد طول السنينا
.=
حقد في قلبه الأسود تبين = بعد احداث سبتمبر تحين
يشن الحرب في رسمٍ معين= ويلقى الدعم من ناس تزين
بسب اسلامنا ظنوه هين= وسب اللي هدى للعاليمنا
.=
لأنا ضعف لاحيلٍ وقوه= فكلٍ صار يظهر للفتوه
على كيفه برسماته يشوه= فلا دينٍ ردعه ولا مروه
مدام ان بوش اعطاهم لضوه= وحنا يالعرب مستعمَرينا
.=
رضينا بذل نكسب كل وده= وصار السيف يتوجه لضده
نبي نحميه لو ندري بسده= عدو الله في جزره ومده
ورسول الله يطعن فوق خده= وحنا بالأمر مستهترينا
.=
نبي رجلٍ يقول الله فوقي= فانا جاوزت حدي في عقوقي
ابوقظ ما تبقى من خفوقي= بصرخه توقف الحقد النزوقي
اهدد لو كذب منهو شفوقي= على ثرواتنا حتى يلينا
.=
يتعهد ما يقرب حول ديني= ويردع مظهر الحقد الدفيني
اذا عنده بعض عقلٍ رزيني= مدام انه لثرواتي مديني
او اني آخذ حقوقي بيديني= ولا فكرت في امريكي وصيني
رسول الله في قلبي وعيني = ومن عاداه عادى المسلمينا