السلام عليكم ورحمة الله وبركاته
إليكم القصيده بدون مقدمات ....
البارق اللي سارق العين ضوه=ابلا شعور العين ضلت تخيله
ماتاوي لقلبي تجره بقوه=فاقت خيال ونضرته مستحيله
الشوق يجذبني لخيره وسوه=لوه جفل قلبي بعدله وميله
ريمً وحش ماذيرت من نموه=صعب المنال وحيلتي فيه حيله
تسرح وحدهـا فالجبـال بعلـوه=شموخ انثى مارضـت بالرذيلـه
دايم ومرقى العز يعشق سموه=جميل طبع والوصايف جميله
له حشمه وتقدير بالصدر جوه=حبه نمى فالقلب وثمر حصيله
لولاه صبري عاند الشوق سوه=مايرحم لجرح الهوى في خليله
الصدر كنه من تجافيه دوه=ويشب في وسطه جمر المليله
صخف الحناجر ماشكت من عدوه=غير المحبه ذقت منها غليله
بقلم اخوكم
ابن فضا البديني