يالـله اني طـلـبـتـك والعـرب في رقـوده=تـرزق اللي يريـد الـعـافـيـه والـسـدادي
محيي القشع الاشهب عقب مامات عوده=من هميل السحـايب لا وطى بطن وادي
وكافلٍ رزق خلـقـك فـي لجـاجـة رعـوده=لين يظهر خضاره فوق روس الحمادي
ماتـفـيـد الخــلايـق بالـمـقـــادر جـنـوده=دون عــفــوك وجــودك ياكـريـم الايـادي
ترحـم اللي تضـايق لـيـن باحـت سدوده=وصابرٍ في همومه فـوق صبر المهادي
ارحمه لاجـل طـيـبـه او كـرامة جـدوده=شــايـبٍ بالـشــدايـد للجـــيــاعى يـنـادي
مايخلي طـبــوعـه فـي قـسـاهـا وكــوده=والـمـراجـل دروبـه ياجـمـاعـه سـنـادي
ويوم غـادر تبـعـنـا بالـنـدى درب جوده=ما كسينا بـيـوتـه بالــردى والـسـوادي
ما شكى الجار جـوعه لو تردت جهوده=ولا تركـنـاه يشـحـذ حـاجـتـه بالـنـوادي
ولا يخـاف العوادي كان عـظـة نجـوده=وبالـقـوايـل نحـطـه بالـنـدى والـبـرادي
وحـرمـتـه في غـيـابـه كـنها في وجوده=ما تبـعـنـا حـريـمـه بالخـزى والفسادي
ما دعـاني هـواهـا والحـلا فـي خــدوده=لو تخـلـط الـروايـح بالـزهـر والـزبادي
ولا قـعـدنـا نـقـطـع بالـمجـالـس جـلوده=او نشـرنـا عـيـوبـه فـي جـميع البوادي
والـوعـايـد نـســدد بالـنــقــاوه وعــوده=ولا تظـن الـوعـايـد والـوفى شي عادي
والمـراجـل تلاقـي بالـنـشـامى شـهـوده=وانشـد الجـار تسـمـع بالعـلوم الوكادي
ومن نخـانـا فـزعـنـا مـثـل فزعة فهوده=ولا نخـلـي جـروحـه لاجل لين الوسادي
ذي طـبـوعٍ عـطـيـنـا بالمـراجل عهوده=ونسـأل الـله يوفـقـنـا سـبـيـل الـرشادي
اسهر الليل لـين الـفـجـر يظـهر عموده=وفي نهاري عـزيـزٍ مثـل طـير الهدادي
والـثـقـايـل تـعــدت بالـتــوالـي حـدوده=لين قامت تجـيني مثل جــدع الـهـوادي
وين ما رحـت جـتـني في مرارة نكوده=لين خـلـت ضميري مثل داب الجرادي
فـاهـمٍ نـقـص عـمـري باللـيـالي وزوده=وكـل زرعٍ تـشــوفـه راجــعٍ للحـصـادي
ومرجع العمر نومه في غياهب لحوده=ليـن يـوم الـهـوايـل واجـتـماع العبادي