بسم الله الرحمن الرحيم
السلام عليكم ورحمة الله وبركاته
أنثرها بين أيديكم مع التحيه
أسهر وانادم خرمس الليل ياشوق=والقاك زهره تضوي الليل بسراج
تسطي سهامك ضيّ والقلب محروق=واقوم دون اشعر على الدرب هدّاج
هدّاج ماني يا اصفر الخد زاروق=شفقان في قلبي من الود دولاج
صوب النماص ابدع من الشوق طاروق=ساري عقب مرقاي توباد الافلاج
تطري علي ذيك الحصاة أم الفتوق=دون الظلال ومطلع الشمس وهّاج
اللي عليها جلستك ديم وحقوق=يحلالها مسكٍ على النود منزاج
يا شيخة الزينات ياشوق يا ذوق=مخطور وصفك صار للزين منهاج
الشعر لون الكيف لا صار محروق=والجيد ياضع لمعة الشمس باحراج
والجسم رسم ٍ بين طابق ومطبوق=متكتل السكر على القوس مرياج
آقف وانا اذكر حب عاشق ومعشوق=واكن ما بالصدر وارجع للادراج
اقفي وانا من علة الشوق مرهوق=واخفي غبون ٍ توذي القلب بازعاج
وارجع بليلي اسهِر الجفن والموق=واطلب من الله يزهر الليل بافراج
وسلامتكم
أخوكم عبدالله دخيل الدخيل