[عبدالله الشويمان]

قصيده من الارشيف اتمنى ان تصل الى مستوى الاعجاب..

بالهون يا معشوقتي بالهون لا تسترسليـن=ون كنتي ملزومه تراي انا لك إمعيـن وفـدا
يا نفحةٍ عطره وريح النرجسي والياسميـن=يا جعل نفحك ما يجيه العوق ولا يمضي سدا
انا عشقتك في علوم الطيب والعقل الرزيـن=وعيناي لك ترقب ولا شافت بك علوم الـردا
أقول يا محبوبتـي هيـا بكيفـك أطربيـن=هاتي احاسيسك وهاتي كل ما عنـدك بـدا
والله ما آمنعك دامك في طريقٍ مـا يشيـن=ما دام دربك ماضيٍ على سبيل اللي إهتـدا
منتي على درب الجهل في سؤ لفظك تلعنين=حاشاك من قولت أفا ثوب الحشيمه لك هـدا
ما يوم سبيتي دهر أو ملحده أو تكفريـن=ولا لك مسبَّـه للبشـر ولا تعديـن المـدا
طبعك كذا وبالطَّبع انا ونتي ترى متوافقيـن=على موارد صافية عذبه كمـا قطـر النـدا
من ذا شوي من ذا شوي اهم شي انه سمين=والجزل لابد العرب تلقابه اللي يسعدا
انتي على حب الوفا وآمجِّدك في كل حيـن=شفِّي على شفِّك تعاهدنا و لنا الله يسندا
يا نفحةٍ عطره وريح النرجسي والياسميـن=يا جعل نفحك ما يجيه العوق ولا يمضي سدا