[داعي الشوق]

( كيبورديه على قولتهم )

( ... ) يا نسمة هوا كل مشتاق = يا بهجة افراح الليال الحزينه
ياللي غرامك ساكن بقلب خفاق = ما غيرك احد من العرب مهتوينه
عليك تاج العز يا غايتي لاق = حيث الثمينه تستحق الثمينه
حالي ترا من حبكم صابه احراق = و الجوف مما فيه بيـّـح كنينه
ارسم معاناتي على ذيك الاوراق = و اسرار حبي بالضماير دفينه
في داخلي جرحٍ شكى البعد و فراق = مدري متى بـنساه و تقفي سنينه
اغراب يا قلبٍ من الجو ما راق = على رياح الشوق يا لله تعينه
خذني لها ارجوك يا طير الاشواق = ودي يميني لو تصافح يمينه