[الطائر المهاجر]

تعلقت في ريمٍ لقيته بسوق حجاب= رماني بسحر الرمش ما اخطى بتهديفه
سألته احسبه مثل حالي غدا منصاب= واثاريه مايدري الهوى او سواليفه
غريرٍ صغير تو مالبّسوه حجاب= مثل مهرةٍ مع امها ترتجف خيفه
تخاف الوحوش اللي تكشّر عن الأنياب= ولا تدري ان الطير قامت بتنتيفه
غدا كنه المسحور مافاد به اطباب= سجينٍ وسجانه تمادى بتكتيفه
بحجز انفرادي لا نوافذ ولا ابواب= ولا يدري بحكمٍ صدر قبل توقيفه
قتيل العيون السود يدفن بلا اسباب= سوى نظرةٍ جابت خريفه قبل صيفه
يقضي العمر يحلم بوهمه ولو كذاب= يجدّف ببحرٍ اغرقه مع مجاديفه
دخيلك انا ما اقوى فموج الهوى غلاب= ألا ويل من ظنه يجي له على كيفه
فحني على من في ربيع العمر قد شاب= وحكم صدر ارجوك ياليت تخفيفه
حرام القتل عن عمد في شرعة الأحباب= فخافي من اللي كمّلك حسن تصريفه