[النهر الخالد]

المشاركة الأصلية كتبت بواسطة حسين القفيلي

البارحة غلطتك احذر تكررها = مهما يطول العمر أو تقصر سنينه
وإن كان تقدر على غيري تمررها= فالناس كل على ماقيل من طينه
بعض السوايا عجزت أني أفسرها =بين الغرور ودلع من قلت مسكينه!
وبعض الميانه على نفسي تكدرها =كلٍ له حدود من يسراه ويمينه
لوكل زله دمحناها ونقبرها = ضاعت حقوق البشر من زينه وشينه
وكرامتي لو يموت الحب مااخسرها = يلعن غرام يذل الرجل ويهينه
النفس لو ماتراعى في مشاعرها = كيف المعزة تجي من بيني وبينه؟!
مادام ماضي الغلى ذكرى نقدرها = أيام قلبي سكن في راحة يدينه
بصبر على دمعةٍ للجفن ينثرها = في غيبةٍ للشفق يظهر بتلوينه
وإن تسهر العين طول الليل بعذرها = مادام ياعين درب البعد تردينه
خلاص مليت عشره هاذي آخرها = دنياي خليه يمشي لا تردينه
وأسراره اللي معي أكيد بسترها = وافي وفي ذمتي لحفظ عناوينه
لكن مساء الجمعة اللي فات يذكرها= كيف انتهى من حياة اوفى مضانينه؟!

الاخ الشاعر القدير

حسين القفيلي

صح لسانك ولا هان راسك

مصافحه جميله

ابدعت فيها بيض الله وجهك




تقبل تحياتي وتقديري لك