[الطائر المهاجر]

موال وغناء ابو ريم

وغناء فهد

بان النهار وكل حي لقى حي = إلا فؤادي مالقى بك حياته
وش فايده من مزنةٍ تحبس المي= والأرض عطشى والحلال بظماته
رغم الألم اعطاك ما يبخل بشي= لبسك تاج الحب اجمل هباته
سكّنك باعماقه تحسين بالكي= وجرحٍ نزف في داخله من عناته
يكتب بك اللي ما انكتب يوم في مي= ولا قدر يكتبه قيس بفتاته
اشوف ماانتي اليوم بالحال تشقي= عندك تساوى في الحياة ومماته
ماادري وش اللي بدلك كيف تقسي= من بعد ما انتي من يدور نجاته
ومن بعد ما انتي لو تغيّب ترجي= لو تسمعي صوته وهامس شفاته
متى على الله يشرق الفجر بالضي= وتدرين عن قلبٍ دفنتي رفاته