[عبير الورد]

المشاركة الأصلية كتبت بواسطة عبدالله راشد الثويني

دام النهايه كلـّـها .. [ ضيم ./. وفراق ]=وش له تزيد الطين يازيــن .. بلــّه
عليك ثوب الحزن ، والهمْ ... مالآق=تكفى طلبتك طاري الحـزن .. خلـّـه
العمر لحظه / بعدها تجفْ .. الآريـاق=مابي نعيشه بين [ ليت / ولعلـّـه ]
عند الوليّ ياشوق / تقسيم الآرزاق=من دون عــطفه ؟ دربــنا ماندلـّـه
ياكثر منهو من شقــا دنيـته ، ضااق=وإن ضنْ [ ضنـّـه ] مايجي في محلـّـه
كثر الشقا ماقد حجب ضوُ الإشراق=ماوقـّـف الساعات من زاد .. غلـّـه
مـيـر أبتسم يـاجعل الافراح ، تنساق=وإن ضـقت ؟ ربـك ياغنـاتي يحلـّـه
الـورد .. مايشريه من ينظر الساق=لا شاف شوكـه ؟ عاف طِـيبه ، وملـّه
حذرا تقول العمر .. ماعاد ينطـاق=لا زاد حرّه ، فـِـزْ .. وإنعـم بظلـّــه
وآقـبل على اللي حافظك وسط الآعماق=[ والهمْ ] .. سـيفه طالبك .. لا تسلــّـه
وُدي نعيش آحباب ، ونموت عشـّـاق=لجلك وربي .. مرخص العمر كلـّـه
مابين نظرة حُـبْ ،، همسات ،، وعنـاق=من جـفْ .. ريقه .. بالمحبّـه .. يبلـّــه
الحـُـب [ مجنونه ] سِـما فوق الاخلاق=من لآم مجنون الرموش المظلـّــه ؟
والحـُـب ؟.... أكبر من خرابيش الآوراق=من حبْ .... مايسعى ورى كل زلــّـه
والحُـب؟.... ماينلام به كل .. بوّاق=يفوز به منهو سرق قلب خلـّــه
والحـُـب؟.... فسحه من شقا الوقت ورواق=لا هبْ عاصوف الكدر .. مايفلـّــه
والحـُـب؟.... ماينباع في وسط الاسواق=يجي كذا يانور عيني .. من اللــه
وإنت الوحيد اللي له القلب ، توّاق=طيفك سكن في خافقي وإستحلـّــه
تعال يلي دونك القلب .. ماراق = والهمْ ، سيـفه طالبك .. لا تسلـّــه
وُدي نعيش آحباب .. ونموُت عشـّـاق = لجلك تراني .. مرخـص العمر .. كلـّـه

الله الله

لاجديد سوى انك البست الإبداااااااااااااااع حلة جديده
صح لساااااااااااااااااانك مليااااااااااارااااااااااات
سلمت وسلم منطوووووقك الجزل

ربي يعطيك العافية