[محمد عبدالعزيز الغنام]

.
.
.
.

لكي يحسب لكل كلمة الف حساب

-( الزلازل )-

البلاوي كلها من تحت راسك=والهروج الزايدة قلت رجولة
ما يقوله شخص من ربعك وناسك=غير هرج" ذرب لله ما يقوله
علموك اني من الأطراف ماسك!؟=تارك اللي بالوسط عرضه وطوله
بنصحك واسمع كلام" فوق باسك=لا يغرك عفوي اللي له فعوله
العفو أكبر من آمالك وياسك=اسمع الدرس الموضّح في أصوله
لا تفصل ثوب اكبر من مقاسك=من فعل يصغر ويرجع للطفولة
اقضب أرضك لا تزعزع من أساسك=الزلازل تفلق الأرض البتوله
وانتبه لا عاد يطغى بك حماسك=البنادق تنتظر خطوة جفوله
أنثرك للناس والعبرة مناسك=ثابتة مثل السنة بأربع فصوله
كثر ما صب الحكي من وسط كاسك=كثر ما شعري خذا صولة وجولة
في قلوب الناس ثابت ومتماسك=كنه الصمّام والدمان حوله
بالنهاية اسمع اللي قص فاسك=الجذع صعب على يدك تنوله
لو ما شخصي بعرض الأرض حاسك=ما خذيت بهرجك ادوار البطولة
البلاوي كلها من تحت راسك=والهروج الزايدة قلت رجولة

.
.
.


وسلامتكم[/align]