[نجم الإبداع]

بعد غيبه وانقطاع وحرف راكن =جيت ياقصر الفطاحل باللكينه
شوق ومشاعر عليها لون داكن= يوم خلي صرت في كفه رهينه
ساقني بجروح في قلبي مواكن=بعد ماعيى ياساقيني معينه
همت به واليوم لوعاته يحاكن =فز قلبي فزه تقول المكينه
قال ودي ترسل حروف ايتباكن=خانني وانا حلفت اني ماهينه
ثارت حروف القوافي بي ولاكن=كنها باكبال في قلبي سجينه
جين عند القاضي وقمن ايتشاكن=لين مالقاضي طلب منهن بينه
جس قلبي قال قلبك هن عاكن =واطلق اكبال الحروف وهن جينه
قلب بن منشار فيه الحب ساكن= قلب ماقد شال حقد ولا ضغينه
قلب يهوى الحسن في كل الاماكن= قلب حلته المحبه والسكينه
قلب طيب مايضايق كل ساكن=لاغضب من دون مكه والمدينه
كل مسلم له بقلبي حب ماكن=مااحقره عني ولو خمسه سنينه
لانه الباس الجنوب اليا تواكن=لاقسى دهري بعد ربي استعينه
كل ابونا اخوان وارواحن تلاكن=يالله احفظ من حفظ في الناس دينه