[نجم الإبداع]

قلو للهواوي دام حكم الهوى جبار=ورى ناصر اقبل بالغرامه يطالبني
من الصدر زفره جسها قرن الاستشعار=وداعي كما قيس الملوح يجاذبني
دموع الحروف اشوفها من على المسبار=وجرح المتيم فوق الاوراق كاتبني
يقول الحقو العاشق سرى كن لِبْسْه زار=من الشوق حافي بالخلاء صايبه غبني
تنقلت بالبستان شميت فيه ازهار = وصف الجواهر عقد لاهل الوله مبني
من الشوق فكره ساقها ساعة استنفار =وحسيت قافي بين الافكار يسكبني
تذكر حبيبن له تناساه بالاسحار = وغنى على طيفه صدى قاف ناسبني
يوصّف هنوفٍ شافها مرتن وامرار=وبين الضلوع العوج مسكن لها زبني
وقع في هواها واشتكى بعدها القهار=وقال ان دكتور الهوى مايطببني
مريض الهواوي علته صابت الاوتار=يقول ان حظي فوق الاهوال يجذبني
وجاء يعتذر مني وهو ظابط المعيار=ونادى لبن عمار مادري يخاطبني
اذا خاطره ماطاب وش فايدة من شار =تمقل وشال الحمل مره وعاصبني
على عادة الي باللقاء يحتمون الدار =يصوغ القوافي صوغ بالرد غاصبني
وراعي الجوى لو هو شكى لوعته وامرار = على اهل الزمن مانابه الخبز والجبني
وانا مامعي لك شجب ياخوك واستنكار=ولا للهوى في خافقي حبل يسحبني
تغير زمانك صار به جنزواستشوار=وبه عود لو شاف المعاني ليشجبني