[الطائر المهاجر]

اهلاً هلا باللي له البال ينساح= لا من سمعته اشعر بردّة الروح
صوته يصحيني كما العطر فواح= يحس به قلبي ولاحتاج لشروح
لكن إذا ابعد يدوّره بالحاح = ما يحتمل بعده ولا يقدر البوح
راح العمر والشيب في عارضي لاح= وأنا انتظر والقلب يقلب من الفوح
يخاف زلات الليالي بالارواح= ويخشى يطير الحب في لحظة طموح
ياحب صارحني بصدقك بالإيضاح= وطمن فؤادٍ يعشق الحب بوضوح
ان كان لك غيري فعجّل بالافصاح= وان كان تتغلى ترى مانت مسموح
بحرك جذبني بعدما كنت سبّاح= في غبته غرقان ما ينفعه نوح
بنيت لك قصرٍ من الحب ما طاح= اتبع قناديله على وين ما اروح
لك أنت وحدك ما تبي أيّ مفتاح= انزل على كيفك ترى القلب لك دوح
البعد ما طيقه ولا يمكن ارتاح= الا بقربك اسمع الهمس بالبوح
وتسمع لقلبٍ مع عذابه فلا باح= لو عاش طول العمر بالوجد مجروح
ياسيّدي والحب للقلب فضّاح = ما اظنّ لك في جرح الاحباب مصلوح
لا تعلّق اللي راح عمره في الاتراح= ولا تعتذر بالوقت في جد ومزوح