[الطائر المهاجر]

في زمان يسمى كذب عصر الحضاره=كل شي يباع ويشترى في تجاره
دين واعلام او حتى صنوف السياسه = كلها بالتساوي مثل سوق الدعاره
تاجر الدين يبرمج للعقول الضعيفه= شان كلٍ يفجّر وينبسط لانفجاره
يقبض الكاش ممن جنّده للمهمه= لو يضحّي بدينه يعتبرها شطاره
وتاجر اعلام همه كيف يلوى الحقيقه= لو كذب في المصادر مايشوفه خساره
والسياسي ينفّذ كل امرٍ يجي له = ومن دفع زود يلقى ما يبي في عهاره
يفعلون الصهاين مايبوا في سهوله = في شعوب التخلف والجهل في جداره
بكل ديره يحطوا مستشارٍ يطاع= منفذٍ للمخطط سايرٍ في مداره
ومن خدمهم يقرّب لو هو طبل وبليد = ومن يقاوم يُدبّر مقلبه في مهاره
اخطبوط يلف الكون شرقاً وغربا= ماسكين اقتصاد وسارقين ادخاره
حاكمين القوى العظمى بيد من حديد=من وعدهم بخدمه وصلوه الصداره
كل الاعلام بايديهم وما يبتغونه = والسياسي ينفذ امرهم بالإشاره
يشعلون الفتن لاجل زود النفوذ=ويشعلون الحروب بين جارٍ وجاره
مانسوا ثار خيبر يكرهون العروبه=ومعهم الفرس كلٍ حصل اليوم ثاره
فككوا ارض يعرب وما بقى خططوا له=بالتآمر وحق انسان اصبح ستاره
افسدوا بالديار وضروا المسلمين = والعرب كل واحد شاعرٍ بالمراره
في بلاد العروبه في جميع الجهات= كل حاكم حكيمٍ ينعرف من قراره
لا بغى يفوت الفرصه على كل حاقد= يسد باب الذرايع بحكمته لا دثاره
يدري ان الإداره بكل حكمه تلين= وكيف ان المرونه من صميم الإداره
يترك الناس تنقد لو بهرج صريح= دام به ما يصلّح ثغرة في جداره
ومن تبين بأنه للمعادي عميل = يواجهه بالدليل والمحاكم جهاره
ويبعد اللي منافق كايل للمديح= كل همه يبي المكسب بعصر التجاره
ويكسب اللي نزيه وبانتقاده شجاع=كل همه يبي المكسب يعم لدياره
وكل فاسد يحاسب لو هو اقرب قريب= مرتشي او حرامي عايشٍ في بطاره
يالله انك بنا تلطف على كل حال= وتبعد الشر عنا لو هو اصغر شراره