[ابو أنس]

يامسلمين...يامسلمين...يامسلمين ..
هذا... ندا
نسمعه من تحت الركام
واحيان من تحت القدم
او من زوايا ميته
لو تلتفت
يمنه ويسره ما لقيت
غير الدما
تجري وريحتها عطر
تمشي مثل سيلٍ همر
تلقى الجثث
متراكمه..متفحمه
متناثره ومقطعه ومبعثره
لكنها تصرخ بصوت
صوتٍ يهز اعتى جبل
تقول نادوا لي الأهل
من يجري دمي بدمهم
من في فؤادي همّهم
من دينهم ديني ومن..
عِرضي بعض من عرضهم
لكنها ياللأسف
ما صادفت حيد وجبل
ماصادفت اذن العتيد
ذاك الأسد
اللي سمع صرخت مره
يومه فزع ما أجسره
مافزّعه كثر العتاد
او فزّعه كبر وعناد
لكِنْ كان لها صدى
عند الأهل عند العدا
يامسلين..يامسلمين..يامسلمين
واليوم هي نفس الحروف
نفس الندا نفس الظروف
أو هي بعد أدهى وامر
واصعب على كل البشر
لنّك تشوف ولاتشوف
تسمع وعقلك فيه خوف
أوراقنا مدّاخله
التاليه والأوله
اللي يرابي بالكلام
واللي يبيعون السلام
واللي بعد صيده سمين
حتى ولو زاد الأنين
لازم يحقق مكسبه
لازم وله في القرص فِلش
لاتنتهي الحفله بلاش
ماهو مهم!!!
تموت أم؟..ماهو مهم
يجوع فم.. يزداد هم
ماهو مهم
كل المهم صافي الحساب
اللي بجيبي واضمنه
اوفرصة(ن)متحينه
اصيدها مثل الكلاب
لو فتح باب
او صك باب
ماهو مهم
انا المهم
صوت الأنا
في ذاتنا
ياناس ياهو ما اكبره
نخفيه لكن نظهره
غصب(ن)كذا وبلا شعور
نلف ونلف وندور
نظهر براءتنا كلام
ثم(ن)نكيل الإتهام
لفلان وفلان وفُلان
حتى نبرر عجزنا
او قل نفلسف غدرنا
او نبعد الظن الأكيد
أنّا لشهوتنا عبيد
وما همنا غير الأنا
والناس في كل اتجاه
اللي قتل
حقه وجاه
واللي أسر واللي سلب
واللي تيتم وافتقر
واللي على البلوى صبر
وش لي وله
وشلي انا بالمشكله
أنا اللذي دست الزناد
واهلكت فيها ذا العباد
واشعلتها حرب(ن)ضروس
واحرقت فيها ذا النفوس
ماهو أنا وانا بري
ثم(ن)أنااااااااام
بامن وسلام
أحلم بورديّ الحلوم
لأن ما عندي هموم
طيف(ن)وسرحته وراح
ثم خاطري منه استراح
واصبحت انا شخص(ن)مباح
من حقي آفرفش واعيش
*****
ننسى ونجهل او نظن
ان البلا ان المحن
عنا بعيد وما تصير
ولا تجي غير الغرير
اللي حساباته غلط
ماناعي ان اكبر غلط
هو الأنا
يامسلمين......
المسلمين اعضا جسد
الكف لازم له بيد
حتى يقوم بواجبه
واذا اشتكى عضو(ن)فزع
بعض(ن)لبعضه وحمله
حتى يقضّي حاجته
ما همّله واتجاهله
والا سرى فيه الوجع
الين يهلك او يموت

سعد....

6/1/1430هـ