[الغريب]

بصراحة إنا مع القرار وراح أقولكم تجارب من صميم الواقع

كان عندي محلين ملابس لانجرى

نادراً ما كنت أتواجد في المحل إلا إذا اتصل إحدى العمال ما قدر يحضر

كنت أروح ويعلم الله أتضايق لكن وش أسوي الرزق ......

أتذكر عدة مواقف صارت معي
الأول:

كنت جالس في الخارج إنا واحد الشباب شفت إحدى الزملاء اهو وزوجته دخلوا المحل قلت لخوي تصدق ما راح يشترون ولاشي قال ليش قلت راح أعلمك بصراحة تأخرت وخليتهم يأخذون راحتهم المهم دخلت إلا واسمع الزوجة تقوله هذا حلو وهو يقول لا هذا احلي طبعاً ما انتبهوا لي يوم شافني كنه احد لفه بمخمس >>>>> اهلى الحساء يقولون راشدي
سألني هذا محلى قلت إيه
راح لزوجته قال مشينا هذا محل خوي امشي ،،،، طلع الرجال وانأ رحت أرد القمصان والـ

والله حسبت اللي اختارته ما يقارب الـ 700ريال قلت يا الله العوض من الله

بعد أسبوع تقريباً رجعت وخذت كل شي و أزود بالصدفة شفته في السيارة جالس لأني كنت جا يب بضاعة جديدة وانزله من الموتر

طيب ما كان من الأول يعني زوجتك تلبس ها الملابس وزوجتي ما تلبسها.

الثاني :

رحت المحل إنا وإحدى الزملاء كنت أبي أسافر وأشوف وش اللي ناقص

المهم العامل تأخر ما دريت الا ها المرأة جاية تدف بزرها في ها العربية خشت سلام ، عليكم السلام أخذت جولة قالت ما القا عندك قميص ..... أعطتني المواصفات قلت فيه جبته شافته قالت هو حلو بس لو (وقعدت تجيب عذاريب) بصراحة إنا استحيت قلت فيه هذا النوع قالت ماينفع
قلت في نفسي يا ولد وش السالفة....

إنا بديت اشك في المرء وابتساماتها قلت زى كذا قالت الله هذا روعه بس لو فيه كذا....

ضحكت قلت إيه هذي من نوعية تسحيب وتأخذ كل مافي المحل بدون ما تدفع أي شي قلت في نفسي هين

قلت طيب خله على جنب وجلست تقلب طبعاً إنا عرفت أنها لعابة 100000000%

شافت قميص محتشم طويل قالت هذا جنان فيه منه ألوان قلت لا

قالت يا خسارة لو فيه بيج كان روعه

قلت فيه بيج!!!
ما دريت إلا والأخت منسحبة قالت احجزهم بجيك قلت في نفسي طيب،،، شكلها عرفت اني كشفتها

الثالث: ولا مليتو

السرقات حدث لا حرج يمسكون الهندي ويخلونه في زاوية يقوم اهو يحشر نفسه ويعطي ظهره للمحل بزعم انه يبي يبعد والباقيات هاتك يانشل و وقت الجرد يبكي

وتسلم ياقعقاع على الموضوع

وانا افضل انه يعجل به