قال الذي لامن بدا القول بالله= ونفسي بذكر الله لابد طايبه
وعلى النبي صلاة ربي وسلامه=تحية ً..ياعل تاصل ترايبه
ومن عقب هذا صغت بعض المثايل= والعاقل الي لاحكى من تجاربه
جربت انا الدنيا وعلى كل ماجرى=دنيا بها الانسان يشهد غرايبه
من يبذل المعروف لايرجي الثناء=ومن يحتسب يلقى الثناء في كتايبه
ناس على طيب ومروه تسابق=وكلاً يدسم بالجزيلات شاربه
وناسً تغاور بالردى لين تفنى=ونار الردى ماتاكل الا حطايبه
من لايصيد الجزل لايطري الصيد=ومن لايعرف الارض يجهل مضاربه
ولاتاخذ الا من تربت على الدين=ماغير اخوانه غدو من حبايبه
لاتاخذ الا من بيوت الحمايل=لاخاب ساس البيت زادت خرايبه
وترى رفيع النفس ينزل على الماء=من فوق مرقاب يتبين مشاربه
ماهو ذليل ومنزله كل ماشاف=تفسه تقوده لين تاقف ركايبه
وكلمة حكيم الناس تسمع صداها=بين الملا..كـنه مع الدف ضاربه
والاّ..السفيه ان قال حرف يتلعثم=ولاشك فعله مثل قوله تعايبه
من لايشوف الشر بالخير مادرى=ومن لايعرف الحق يجهل طلايبه
ومن لايذوق المر ماقدر الحلا =ومن لايشوف النور تكثر مصايبه
ومن لايمد يديه عند الشدايد=وقت الرخا ماينفعنن مخالبه
ومن لايحشم الجار ويحفظ سره=قالو عليه ..بمثل ماكان قال به
ومن لارفا زلة خويه اذا زل=فلا لقى من الناس حيً مصاحبه
وحذرا الصديق ليا بغى منك حاجه=يصبح عدوك لوتعذر مطالبه
اكود علي من العداء لاتجمعو=قريب يدري وين تسعى عقاربه
واعلم ترا ماصاب مايخطي الملا=وما كان مخطي العبد ماهو بصايبه
نار الردي ماشبها الا من البرد=ونار الكريم بكل وقت لهايبه
والي رفيع الشان ماهو بهايب=ذيبً ولو كثرت علينا ثعالبه
ومن لايعز روحه فلاحدن يعزه=ومن لايشوم النفس تكثر شوايبه
وصلو على صفوة عباده محمد=عد الثراء وعد النجوم وهبايبه
هذا وانا الي خاتم القول بالله=ونفسي بذكر الله لابد طايبه