اقتباس:
المشاركة الأصلية كتبت بواسطة فلاح بن منشار
اعوذ بالله من صدى صوت ملعون= واستغفره وارجي بسبع المثاني
ماغيره ارجي والبشر صعب يرضون = احفظ عن الزلات يالله لساني
حسبي على الهاجوس ياخوان تكفون = نسجٍ غريب وفكرته شي ثاني
فكرت وامعنت النظر حول غاوون = وازريت من قافٌ يحب امتحاني
درجتها واحترت في ليل مجنون = ههَههه وانا وحدي واقول اش بلاني
اشوف حرب اشوف طاعن ومطعون = صفحة هجاء صفحة غرام ارجواني
صفحة غلاسه معمعه ركل وفنون= فحيح حيره نحر رزح وتهاني
عاشق دموعه سايله وابن زيدون = وليلى بكت من قيس والدمع قاني
كلام حالي غيظ من غير قانون = شوي ضاق علي حتى مكاني
ندمت تبت ارتبت شفت ابن خلدون = قريت بالمصحف وبالاصفهاني
من وسوسات ابليس كم نص ملحون= بالمكر يتمايل كما الخيزراني
يضحك على الانسان من غيظ شيطون= بين المشاعر مايبي ترجماني
يقول ماغيرك يغرد بذا الكون = بالغيظ يملي الصدرويصير عاني
ياويل من طاعه وجاراه مفتون = يغويه من كيده ليغديه جاني
يزين الشينه ويغريه بالشون = وينمق الصوره ويبني الاماني
اعوذ بالله منه يالي تردون = واستغفرالله عِدْ حيٌ وفاني
|
صح السانك يا أخ فلاح
وبيض الله وجهك على هذه القصيده..
ولو ان البيت يحتاج مراجعه:
كلام حالي غيظ من غير قانون = شوي ضاق علي حتى مكاني
ولك تقديري وحترامي