[صعبة المنال]

المشاركة الأصلية كتبت بواسطة الطائر المهاجر

الضيقة اللي قاطعتني من سنين = ياحيلة الله عاودت وش تبي بي
تقبل وتقفي تنتخي هامل العين= تدري بضعفي بعدما اقبل مشيبي
لا من ذكرت اللي رحل من محبين = راحوا وخلوني رفيقي نحيبي
منهم قطفت الورد باجمل بساتين = وهم علموني كل خيرٍ وطيبي
واليوم اشوف اني كسير الجناحين= وورد المبادي صار شوك ولهيبي
فلا عاد به منهو على منهج الدين= واللي بقلبه دين ماله مجيبي
ولا عاد باقي غير ما يجلب البين = ومنهو على المبدا بحالٍ كئيبي
في وقت فيه البوم يشوي الشياهين = والحر يخشى من عيون الرقيبي
وخلقٍ تبيع نفوسها للشياطين = من اجل دنيا ما تراع الحسيبي
تكذب ..تنافق .. لين ترفع نياشين= وتدوس منهو تحتها ما تهيبي
وبالمال تشري ما تبي دون تعيين = ومن قل ماله ما لقى له قريبي
تبحث تقول الطيب له ناس باقين = وفي الآخره تيئس فلا له صحيبي
فالناس في الدنيا مع الوقت ماشين = كلٍ يبي يكسب ولو بالنهيبي
ركضٍ مع التيّار ما يجهله وين = ومحدٍ تفكّر لحظته والمغيبي
ونا تعبت بوقت ما يعرفك مين = إلا إذا تمشي معه في المعيبي

كل مرة تجدد كلمات المقام...بمصاب الامة
تضرب فى الصميم ... بمستوى راقى مغلف بالسلفان
ابو عبدالله

انا مهما قلت لا افى خرفك قدره
يكفينى فخرا ان اقرا ما جاد به فكرك عبنا

صح لسانك عدد ما رمشت عيون البشر

صعبة المنال