وجهتها للشيخ/ ابو ليله بن حمد ال بو ليله المري (( هجرة فضيله )) جنوب محافظة الأحساء
جعل الحيا لانشى قنوفـه مراديـف=يسقـي فضيلـه دار ربـعٍ قرومـي
ربعٍ على عسر الزمـن والتكاليـف=حسن نباها مـع طيـب السلومـي
ذباحة الحيـران للجـار والضيـف=ولطامـةٍ للشـره لاجـى يـزومـي
عون الضعيف اللي وزاهم من الحيف=وتعطي المنيحه كل عثوى ردومـي
سلالة عود في اللقى كنـه السيـف=معتق رقابٍ قـد نفذهـا محكومـي
قديم عاد احـوال الامـه شفاشيـف=يشبع اجموع بعـون ربٍ رحومـي
ويوم ان عاد الخيل والبل لها كيـف=في مامضى والامن شبـه معدومـي
خيالهـم يذكـر نهـار المواقـيـف=لاجات مـن لعـدا بيـومٍ عسومـي
ياما وياما باللقـا فعلهـم شيـف=تشبع اسباع البر و اللـي تحومـي
والجار يرحـل ماشكـا ردة خليـف=يـروح يذكـر طيبـات العلـومـي
خويهم بـروس الجبـال المهانيـف=وعانيهم في راس عيطا محشومـي
فيهم رزانة كنهم مـن هـل طريـف=وفيهم صرامـة الشبيبـي لزومـي
ربعي هل الطالات فعـل وتواصيـف=وقـولٍ بـلا فعـلٍ فلاهـو يدومـي
وهذ كـلام الصـدق مافيـه تزيـف=والخافي اعظم عند ذكـر القرومـي
جاتك يابو ليله هدية هـل السِيـف=يابو حمد ياشوق زاهـي الرقومـي