عيالك كثار ووضعهـم بالهبايـب
و قلبك عليهم ماهجع يوم بركـاد
ولانتاب تاجر تسعف اللي بنايـب
ولاهم باللـي ماسكيـنٍ بالاوتـاد
والمشكل انك ما حسبت الحسايب
يومك تربيهم على طبع الاجـواد
في وقت فيه الناس مايل وعايب
يندر تلاقي من مسك درب الاجداد
واليا لقيته .. عايشٍ في لهايـب
مما يشوفه في زمن عثرة الضاد
يوم(ن) اهلها اصبحوا كالنجايـب
تقطعت مابين (بـوشٍ) و(نجّـاد)
واليا نظر حوله يشوف العجايـب
فالوقت غير الوقت والناس تنقاد
طنش تعش قانونهـم والركايـب
وما دام عودك سالمٍ مكسبـك زاد
حنا معك في كل يـوم صحايـب
فعيّد معانـا ولا تفكـر بالاعيـاد
صح لسانك مشرفنا
قصيدة رااائعة وموجعه
والله يزين الاحوال
سلمت وسلم شعرك
دمت بخير