حد يقول لى السعر فى لتر الدم بكام
ولفعل الخير راح تاخد كام 000 وبكام
تتباع النخوه اللى فى العرق ونقطه دم بكام
ساعه الشده بتطلب منه يعينك بس بكام
بساعات فى عبادته اوحتى سؤال عن اخ فى ضيق
اوبرضه تمد اديك لعدو مش بس صديق
طب اعمل خير وارميه البحر لساعه الضيق
عطشان والميه ماهيش قدامك
وانا كنت فيوم خدامك
وبكلمه حق وقفت عشانك
مش نادم ولا برضه عليك مره حاساوم
بس افهم ياللى ذكائك بيشيدوا بيه
ان الباشا ما بقاش بيه
وان الدنيا كل الدنيا ممكن تبقى بين رجليه
يبقى بكام يا ابن المحنه والاحزان
وافهم ان الفرحه تمنها كبير
لما بتسعد ابن بابوه
لما بتقفل باب للتوه
واوعى تسيب الغل ينولك
واوعى تفكر فى اللى يخونك
واوعى تقول عالدنيا سلام
يبقى بكام
تمن الحب اللى ما عشتوش
تمن النوم اللى ما شفتوش
تمن الفرحه بابن وابوه
قلى بكام ياللى خريفك اصبح دانى
من تخاريف كانت وخدانى
ولو بتقدر قللى بكام تسوى دمائى