اخواني اعضاء منتدى الفطاحلة الكرام اقدم لكم هذه القصيدة وارجوا ان تحوز على رضاكم .
ان كان مانته من شيوخ الملايين=والا معك جاه وقلطه ثقيله
والا معك واو يفك الكوالين=تفتح ابواب المستحيل وتزيله
تضيع في الزحمه وحكم القوانين=وتاقف لك سيوف النظام الصقيله
لونك على حق تضيع البراهين=والصدق كذب لون عندك دليله
وان جيت للمسؤول بالطيب واللين=خلا عليك حلولها مستحيله
وطبق عليك الانظمة بالموازين=ويشرح لك فصول النظام ودليله
والا وراها تركض شهور وسنين=لما تقول الناس هذا هبيله
ولا اعمها والله فينا تقيين=لكنها بين الاوادم قليله
والامر لله هو نصير الضعيفين=ولا خاب من رب الخلايق كفيله