يالله إني طالبك تثبيتنـا عنـد السـؤال
يوم يصبح كل منـا لـه ثلاثـة اسئلـه
يوم نصبح من قضاك وقدرتك تحت الرمال
وسط قبرن من ظلامه محـدن ابيتحملـه
يالله إنك تعلم إن اذنوبنـا كبـر الجبـال
تابعين النفس مانخجل من اللـي تعملـه
طالبينك لاتخلينا مـن اصحـاب الشمـال
يوم كلن له كتابـن فـي يدينـه يحملـه
ياعظيم الشأن وبيوتك نشد ألها الرحـال
لاتجـازي كـل منـا علـى قـد اعملـه
لأنوزن فضلك علينا مع عملنا الفضل مال
كيف والعاصي وهو عاصي بفضلك تمهله
من يتوب وله ذنوبن في موازينه أثقـال
تمسح أذنوبه وتغفرله وعفـوك يشملـه
في كتابك فرق واضح للحرام امن الحلال
ولطريق الخير نبراسن ولأحـدن يجهلـه
انت ألأول وانت ألأخر وانت شديد المحال
وانت تجزي كل منفـق علـى مايبذلـه
لاإله الا انـت سبحانـك عليـك ألأتكـال
لادعاك العبـد تفـرح لادعـاك وتقبلـه
عبدك المسكين يرجو رحمتك ياذالجـلال
في جنان الخلـد يامعبـود شيـد منزلـه
نلتـوي يالله بحبلـك لاتقطعـت الحبـال
مالنا غيرك ليـا ضاقـت علينـا نسألـه
والختام ادعيك بسمك يامبدل كـل حـال
أغفر لعبدك ووسع بـأي قبـرن ينزلـه
اللهم اااااااااااااااااااااااامين
صح لسانك اخي الشاعر عايض
قصيدة ترجمت احساس كل مؤمن
صادق يارب اغفرلنا جميعا
سلمت وسلم شعرك
دمت بخير