عرض مشاركة واحدة
قديم 22-06-2010, 07:08 AM   رقم المشاركة : 1
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي عطني ضميرٍ ميّتٍ ماعرف روح


عطني ضميرٍ ميّتٍ ماعرف روح= اسكّنه بعض الهموم الكبيره
واصير مثل البعض في عصر مفتوح= ابكم اصم وفاقدٍ للبصيره
في غابةٍ فيها الصقر صار مجروح= والذيب جايع فالمخالب قصيره
من وين ما روّحت او جيت اباروح= اشوف قدامي حصاني كثيره
ان كان ما ترجي وراك اي مصلوح= ولا لك ظهر مقضوم مثل الشعيره
يضيع حقك لو معك حق بوضوح= فالوضع سايب في دروبٍ عسيره
كلٍ لنفسه لو وطى كل مقدوح = لاشي يردع للنفوس الحقيره
يدري بأنه مثل من جوّد اللوح= لا زل به يغرق بعز الظهيره
فرصته دامه في الوظيفه ومسموح= يفعل على كيفه فلا شٍ يضيره
ولا جيت للقانون جسمٍ بلا روح= يلعب به اللي ما خشى من خفيره
لا تغرك النظره ولا هرج ونصوح= الغالبيه باع قبله ضميره
هذا السبب في وضع للكل مفضوح= فاللي بليا ظهر محدٍ يجيره
وهذا السبب في وضع ماعنه مندوح= حنا ندحدر رغم كثر الذخيره






توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس