[الطائر المهاجر]

لابتي بالفخر من أصله تميمي = في الرخا ظلي ودرعي في الحروب
لا نخيت الرجل في الوقت العتيمي= ينتخي رمحه وسيفه في وثوب
ليث لا منّه هجم ويل الغريمي = لو بغى يهرب فلا له من هروب
ما نعيل ولانبي عيلة اثيمي= فمن تعدّى الحدّ للموت مخطوب
كلنا أحرار مافينا فديمي = قايدين المجد ما عنّه نتوب
امرنا نافذ رجالٍ أو حريمي = في جميع الأرض عالين الرتوب
مجدنا معروف من عهدٍ قديمي = مالكين الأرض في صعب الخطوب
ننتشر فيها مثل نار الهشيمي = في الجبل والسهل من غرب وجنوب
وفي الشمال وشرقها حنا الزعيمي= شمسنا ما يوم زاورها الغروب
ماضيٍ بالعز والمجد العظيمي= وحاضرٍ كالبدر في ليل الشعوب
ما نفكر في الغريم ولا الخصيمي= كلجبل ما حسّب لعصف الهبوب
كلنا اميرٍ وفي فعله حكيمي= والكرم منّه لبسنا عزّ ثوب
والشهامه طبعنا فيها نهيمي = والرجوله نبضنا وسط القلوب
ولا غضبنا تغضب الأرض بجحيمي= دامنا بركانها وين الهروب!!
اسمعي يا أرض وافهم يالفهيمي= التميمي لا ومر امره وجوب