رد: لقيت الحب من وهج الغريزه
اقتباس:
المشاركة الأصلية كتبت بواسطة الطائر المهاجر
لقيت الحب من وهج الغريزه= يتلاشى لا اصبح الرجال شايب
ولو لاحظت هرجه او قزيزه = مراهق مايثمن للعقايب
مثل هذا يبي كربة قفيزه= لعله للعقل في يوم آيب
كثير الناس يخدع مع لزيزه= يدور حب مايخشى الصعايب
ولو فكر بلحظاتٍ وجيزه = عرف سره ومابه من لهايب
ترى الرجال مايسوى بريزه= اذا من طاح في بعض المعايب
وغدا كالتيس يبحث عن معيزه= بليا عقل يطرد ف الخرايب
ترى للحب اصوله والركيزه= مع العشره يجي ماجاه نايب
ومن قبله عبث تجهل دزيزه = تشوفه ورد ما تدري التبايب
يتحول شوك يجرح في غزيزه = وتندم بعد ما تهب الهبايب
فخل العقل يحكم لا الغريزه = تعيش بسعد ما شفت المصايب
|
الطائر المهاجر
صح لسانك فقد اجدت
وافدت لافظ فوك انته مبدع بحق
|