عرض مشاركة واحدة
قديم 12-03-2013, 06:14 PM   رقم المشاركة : 1
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي طول الله عمر بترولٍ غدينا به دلوخ




https://www.youtube.com/watch?v=P3qRRibSoh0


طول الله عمر بترولٍ غدينا به دلوخ= ما نفرّق بين عادي أو نميّز للصديق
همّنا ضرب المفطح لين ما الواحد يدوخ = كل واحد شايلٍ كرشٍ كما كيس الدقيق
وناخذ بفتوى من اللي يعتبر ضمن الشيوخ= لو طويلب علم جاهل ماعرف علمٍ وثيق
او منافق كل وقته جالسٍ يمسح بجوخ = بعد فقره صار له شهره ووجه له بريق
خرّج الأول طيورٍ لعبها برمي الشروخ = او تدخّل في امورٍ شان تقطع للطريق
ونرجع لعصر التخلف قبل عادٍ او تنوخ= ذا حرام وذا حلال وذا يليق وما يليق
وغيرنا حصانه سبوق وف المعالي له شموخ= والعرب تستورد الخبزه ويخبزها رفيق
مادرى خلفه نفوسٍ بالحقد دايم تبوخ= برمجته بكل دقه لين اصبح كالرقيق
حطت الإسلام جسر للسياسه عن رسوخ= مدركين اليعربي في داخله دينٍ عميق
اشعلت نار المذاهب والتطرف بالفروخ= والمعادي يستغل الوضع يعجبه الحريق
مايهمه من يخدمه كلهم عنده مسوخ= كلهم اعداء جدّه من قبل عصرٍ سحيق
وخرّج الثاني عبيد الذل للذله تنوخ = كل ما تبغاه جاه ومال من ضمن الفريق
واقعٍ يفرض علينا نسايره بين الذيوخ = كان منته ذيب تفرس يفرسك ذيخٍ طليق
وكان تمشي باعتدالٍ فانت محري بالشدوخ = مثل من قبلك تندم بعدما تاه الطريق






توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس