اروي غرورك من الايام يالغالي = وان كان ماروتك لاتبدا تسايرها
بدل اطباعك وهيا جر موالـي = لاعل في جرته تاتي بشايرهـا
يكفيك مافات من تصريف الاقوالي = ويكفيك عينك تجرع من عبايرها
ياما نصحتك لاكن اتقول مابالي = واليوم تبدا تعدد لي خسايرها
خلك على خطنا وتزين الاحوالي = خطٍ رسمناه يبين لك سفايرها
اترك هوى النفس لو يطمح لك بعالي = يورَدك للمهالك في حفايرها
وارحم رفيقك ولا تزوده غربالي = من مد يمناه مايجزى بياسرها
ان قلت باوصفه ياقلبي وياحالي = يكفيه عين الظبي وايضاً محاجرها
وياعود موزٍ على الساقي وبظلالي = ماجاه لفح السمايم في مدايرها
الى هرج لي بغنج وبه تغزالي = اضيع الهرجة اللي كنت اعايرها
عليه مني سلام عد مامالي = ظلٍ من العود مع شمس يسايرها