[نجم الإبداع]

وينك ترى حنا ببعدك مجاريح = يالي غرامك قد سبى مني الروح
أنت الذي لاشك من غير تصريح= فارقت قلبي ليه تترك به اقروح
ياهاجري من دون سبه وتوضيح= مادري علامك يالغضي عني اتروح
طاوعت عذالي وراعي التباريح = الي يحرّف كل كلمه ومشفوح
زين لك الشينه بمكره وتقديح = وانت اتبعته والعتب غير مسموح
صدقت من غشك وجا لك بتلميح = ياعطر بين الزهر متميز الفوح
اذكرك في فرضي وعقب التراويح = واليا نويت النوم جاء طيفك ايلوح
قدام عيني صورتك دون تنقيح = كنك بجنبي مانقصها سوى البوح
زهر الخزامى منك غيران والشيح = والفل والريحان والورد بالدوح
انت الموسيقى عذبها والتواشيح = فارقتني يازين من غير مصلوح
الله بلاني فيك يامشابه الريح = هذا المقدر قد كتب لي في اللوح
والله لولا العيب والعذل لاصيح = باسمك واصير اليوم بالحب مفضوح
ان كنت تشعر بالهوى قبل ماطيح = اسعف محبٍ تايه الفكرمجروح
والا فعقب الموت طالب بتشريح = تلقى حروف اسمك وذكراك والنوح