[نجم الإبداع]

زكم رعد وبروقه تلالت من السماء=وناظرت وبله في مساء ليل مظلمي
من الشرق والمغرب توالت طلايعه=ونوده فرح به قلب كافر ومسلمي
سقى ارض الحجاز ونجد واسقى شمالنا=وسالت به الوديان من وبل مكرمي
تفتق من ارض الله زهر الحياء ومال= لهب النسيم الساق الاخضر وسلمي
وشفت الديار الجدب مخضّر عودها =وشاق الحياء عيني وخيلي مدرهمي
وشميت من زهر الخزامى عبيرها =ومن حولها ورد الرياض المقلمي
وشفت اهتزاز الارض من بعد موتها=ومن كل زوجٍ يبهج الطلع معدمي
تمشيت فوق الخيل وعنانها مطلوق=وسابقت ريحٍ عاصفه والهوى سمي
وكني لوحدي مامعي غير لامتي = وسيفي ورمحي والسهام المتممي
وليلي نجومه زاهره حول هامتي = وذيب الفلاء يرعى مع الضان معجمي
ومن كل صوب الخير مرسل زمايمه=ومابالديار الا الوفاء كل معلمي
تهنيت بالمنظر وروحي تمايلت = على لون زهر الروض حولي مكممي
وفي ضرف ساعه قمت من طيب وصلها=واثاريني احلم ويل من ياتحلمي
وفتحت عيني ليتني مافتحتها = فما سر عيني فوق الاوطان مكلمي
تحيرت من جدب الديار وقحطها=وناظرت ماحولي وكني مبلمي
سقى الله دار المسلمين بوابلٍ =يعيد على الدنياء الجمال ويقسمي