قصة وحدث
كنت في بريطانيا قل سنتين وتذكرت مجلس الربع شرواكم وتذكرت بعض الناس اللي فيها خير وتقدر المجالس والزوار لها
وتذكرت البعض الأخر ممن ليس بهم خير بعيدين عنكم وتهيضت بهذه القصيد:-
عسى المجلس اللي يجمع اربعنا الغالين = عليه الرضى ينزل من الله سبحانه
على طاعة الله تجتمع كل وقت وحين = ماهي تجتمع للهمز واللمز واعوانه
اربوعن كما البيت المروبع وهم دارين = وحنا احجابه والبعض مثل عمدانه
وهم النا كما سيفن يقص العضم نصفين = واحنا ايمين تقبض السيف حمسانه
اتغطي افعول اهل المروه على الباقين = وكلن يعاير بندقه ضرب نيشانه
مانا اخص غير اعم والربع متساوين= لاكن الحصان ايبين فعله مع السانه
اقوله وانا منهم وكل العرب دارين = وترى اللاش ميحانه البيته وصدقانه
هذور المجالس تابع شلة الغاوين = مع الخيل ياشقرا كما الوقت واعوانه
اذا مر ماسلم وايترنح كما التنين = مسيره كما الطاووس قلاب جنحانه
لاهو ساد نفسه وان بغيته ايجيك ايمين = عكس سيدك اللي ترتجي له على شانه
عس الله يعافينا ويشفيه من ذا الشين = ترى البعد منه خير والنفس ربحانه
عسى الله يديم النا الرخى والسلام امين = بشر والبشر يخطي اويصيب علمانه
ابن لوذين