[هاجس نجد]

المشاركة الأصلية كتبت بواسطة الطائر المهاجر

لاتساهل دمعة الرجال من سبة قهر = تشتعل جواه نار ومن سببها ما يعيش
لين ما ياخذ بثاره لو من اجله انتحر = مايفكر في المصير ولو يقابل الف جيش
ذاك يوم الرجل رجل ولا سكن وسط الحضر= واصبح مبرمج على الذله يخاف من الغبيش
خدرونا بالرفاه وما نبي أمره يسر = وانتهى الإحساس فينا دونما غيره تجيش
المره تلبس مزلط ما تهاب من البشر= والرجل لو هو بثوبه فالعقل مثل الجريش
من بها زين وجمالٍ تستره لا من ظهر = ما تقلد شبه قردٍ همها صيد الكديش
من يدور شي يلمع لا نظر له انبهر = ولا صحى شاف البلاوي غير ما امداه النحيش
الستر للخلق زينه حتى بجذوع الشجر= ولا خبرنا طير عاري انخلق من دون ريش
حتى بامريكا التعري انعرف بين الغجر = ومن لها اصل وفصلٍ قانعه في لبس خيش
فليش بنت العرب تعرى تظهر كتوف ونحر= وليش تلبس للقصير وشعرها مصبوغ ميش
هل هو من فقد الهويه بين انثى او ذكر= او هو الجهل المركب داخل الفكر الغشيش

أستاذنا الغالي / أبو عبدالله

من حسن حظي إني دخلت على رابط هذه القصيدة بالصدفة

صح لسانك ملايين

بيض الله وجهك عدد نجوم السماء

والله يا أبو عبد الله نشوف في أسواقنا نساء وبنات تكره تدخل السوق على شانهن والله

حنا نخجل ونستحي وهن ما يخجلن من لباسهن شبه العاري والمشكلة إن بعضهن

تضايق الواحد عند الكاشير وكأن ما حولها أحد الله يستر الحال العيد مقبل والأختلاط شر

لابد منه ولكن الشرهه على الرجال اللي يرسلها مع السواق ويجلس وما يدري وش

يجري خلف الكواليس


تقبلي تحياتي,,,