[الطائر المهاجر]

الله على الحب كم يبعث امل من جديد=لارواح عانت لهيب الشوق بازمانها
يا غيمة الحب هلي لا تروحي بعيد = اسقي العروق الظمايا تورق اغصانها
تعزف زهور المحبه نبض يحيي الوريد=وامواج تاخذ هجوسي فوق شطآنها
تبحر بقلبٍ يدوّر في الزمان العنيد = خيوط فجرٍ تبدد ظلمة اكوانها
ما يدري الليل يطفيها بوهج الجليد= تبكي ولا من سمعها ماله بشانها
كلٍ يغني على ليلاه فالوقت عيد = وقلبي يعيش بصحاري تخفي اشجانها
ونخله بعيده تنادي كود تسمع حفيد = كلٍ تركها ويبست خضر عسبانها
وريمٍ على مهلها خطواتها ما تزيد = يغار منها البدر فالنور باوجانها
ترسل سهام المنايا من تصيبه تصيد= مسحور ماله علاج كود باوطانها
السهم الاول خطى قلبٍ صمد كالحديد= السهم الاخر شعل بالروح نيرانها
تنظر وانا انظر ولكن من بعيد لبعيد = صعب التلاقي بليلٍ اتعب اجفانها
راحت وانا ذاهلٍ بالقلب مثل الوقيد = ما غير ادوّر بقايا آثار وجدانها
لا ني لقيت الذي يسكن بقلبي وحيد= ولا ني فقدت الأمل مع طول فقدانها
فالحب يعطي امل رغم الفراق الشديد = في يوم روحي تلاقي مصدر احزانها