رد: حـبـــــــــل الـفـقــــــــــــــر
اقتباس:
المشاركة الأصلية كتبت بواسطة سعود القت
واعيني اللي تمد الشـوف وتـرده = عن حاجتن لي ولدري كيف احققها
الشوح مرهي وطرق العسر ممتـده = والضيق لح الامانـي ليـن فرقهـا
هابت صدور السعه من مقطع الشده = وازرت صدور السعادة لا تعانقهـا
عين الطموحات مرموده ومنسـده = وعين الأمل حر دمع الصبر حرقها
ومحيط الاحلام موجه كاسـرٍ حـده = غشا وجيه الشبوح الشهب واغرقها
والوقت ضرفه كفوفه مدميـه نـده = وقيـاد جيشـه مركـزةٍ بيارقهـا
وطير السعد محتدم ومحزب الهـده = وايامه العوب ترهق من يسابقهـا
كم طامع بجد غرسٍ فد مـا جـده = واونس على ضلعته مسة مطارقها
مايامن دخيلها مـن بوقـة السـده = كل المخاليق تشكي مـن بوايقهـا
والصاحب اللي نماري فيه ونعـده = الفرصـه الطيبـه عيـا يوافقهـا
طارت علومه مطير مـدور الكـده = لا جاء لزومٍ وحبل الفقـر خانقهـا
ودي بعـلـمٍ وهــو وده ولا وده = وشمس النوايا تشع بعين عاشقهـا
زمت نياشين فزعاتـه عـن البـده = وهفت كبار الهقاوي من ترقرقهـا
وايامنـا نسـس البنيـان وتهـده = ولوضاقت صدورماهـو مضايقهـا
هقواتنا في وجيه الخـوف مشتـده = عقـارب ايامهـا تسبـق دقايقهـا
تسن حد الصبـر للضيـق وتحـده = والضرف يسحب ردونه لين يرهقها
كم فزعةٍ تقفل الموضـوع وتلـده = فزعة غصيبـه ولا ربـك موفقهـا
والناس للناس محتاجـه ومحتـده = ولا مغتني عن عباده غير خالقهـا
ولا يفرق الناس مبيضه ومسـودة = ياكـود محتاجهـا والا مرافقـهـا
والرجل ما يونس الميلات من ضده = الموت ربعه ليـا ثـارت بنادقهـا
|
اللـــه الله اللـــه
قصيــدة مميـــزة ورااائعه من اولها الى آآخرها
تحمل في طياتها من المعاني الجميلة الكثير الكثيــــر
الأخ الشاعر القت
يقولون من طول الغيبات جاب الغنايم
وحنا ننتظرالغنايم من رواائع قصيدك اخي الكريـــم
لا تطول
|