يوجعني الراس والاطراف وضلوعي=وقـول مافـيـه شـيـن مـنـك يوجعـنـي
من كثر ماروح يمك ورجع ارجوعـي=شكـو بــي الـنـاس والعـالـم اتابعـنـي
القلب صاده هـواك وصـار مشلوعـي=وبـيــه يـســلا وعــيــا لايـطـاوعـنـي
يابو عيونـن هدبهـا سـود ووسوعـي=مـاهـوب حـقـن تجافيـنـي وتمنـعـنـي
ويابـو خـدودن كمـا تفـاح مقطـوعـي=همـوم بعـدك علـى قلـبـي تصارعـنـي
ويابو خشيمن قليل الشكـل والنوعـي=صدتـك هـاذي تــرى فيـهـا مروعـنـي
ويابو فويهن كما خاتـوم الاصبوعـي=وش فيـك مـن بـدة العربـان قاطعـنـي
ويابـو نهـودن صغـار توهـا طلوعـي=خذني معك في بحور العشق ودفعنـي
منت الطويل الطويل ولاانت مربوعي=زولـك رسمتـه بعينـي ونــت لايعـنـي
غادن علي صعب كنك حبـة الكوعـي=ليتـك قـبـل تـنـوي الفـرقـى مودعـنـي
ياراهي العود حبـك صـار موضوعـي=لـب النـدى ياعشيـري كـان تسمعنـي