هب نسناس الغلا ونفتح لشعر باب=ماتكابر فيني البيت حتى استصغره
في خفوقي يصرخ الشوق وغيابه غياب=لي متى والشوق يرفع عليه خنجره
لي متى والحظ من بيني وبينه حجاب=ولى متى والحظ والضيق بالصدر اخشره
بين حالات القلق ولا حالات اكتئاب=حالتي من دونها بعثره في بعثره
آآه ياشوق الصحاري على رش السحاب=وآآه ياقلب العنا وانثر اللي تنثره
مابقى الا طيفها والدعاء المستجاب=والبلا في طيفها ونساني اذكره
ياوجودي كل مانسنس الغربي وجاب=ريحة اللي في خفوقي عسى الله يستره
كان من باب الميانه يقول الانسحاب=والله اني لعذره والله اني لعذره
ماعلي وهجرها لاصواب ولاثواب=كان في هجره تمادى علي ان اهجره
ليه مدت لي كفوف الجفا والظن خاب=ليه مامدت كفوف العطا لو اشعره
بس انا والليل والضيق وعتابي اعتاب=ماجنيت امن العتب لاغصون ولاثمره
ولاحسبت الوقت داير وفيه الانقلاب=لين شفت الوقت يطعن خفوقي اشكره
من تجرع سم حيه تجرع سم داب=ومن رقد مظلوم ربي على الظلم انصره
والله اني في سراب تقفاه السراب=ان بدالي باوله منتهالي بآخره
هب نسناس الغلا ونقفل لشعر باب=ماتكابر فيني البيت حتى استصغره