[فايز بن جبيل]

المشاركة الأصلية كتبت بواسطة سعيد عوده الحويطي

اخواني اعضاء منتدى الفطاحلة اقدم لكم هذه القصيدة بعنوان المقناص ارجو ان تحوز على رضاكم

منيتي لا ضاقت الدنيا عليه=موتر توه جديد من الوكاله
مشتريه بكاش ميه فوق ميه=ماهو بالتقصيد والا الكمبياله
ولا وقف بالسوق بين مفاوضيه=ولا ركبه شريطي همه رياله
جيب شاص في المواتر له مزيه=ما شكى راعيه من كثرت عطاله
لا طلعت البر افلل تانكيه=وعزبتي في الحوض مع باقي عزاله
مع جهازي وعدتي والبندقيه=ومحدد المشوار والدرب استواله
الى تمشى العصر برياض خليه=يعجب السواق مشيه واجتواله
ورفقة كلهم نشاما واجوديه=كلهم عقيل مافيهم جهاله
ان مشوا المقناص رجال بوارديه=وساعة المقيال كل له مجاله
حلوها وان صارت القيله بفيه=ظل هيف ربي معذي ظلاله
والغدى موجود والوقده وريه=ومقدم البراد والدله اقباله
والسوالف قادمه من كل نيه=بين مزح وجد ما فيها زعاله
يعيضني في اللي مقابل للوليه=ما مشى المقناص ولا مره طراله
لو يروح السوق يمشو لو سويه=وان بغى له راي شدت في حباله
مطاوع لام العيال الاجوديه=ما يحب البر ولا يريد الهماله
ياهنيه في حياته يا هنيه=من ينام الليل وهمه ما عناله

الله يسعد ايامك ياسعيد

جزل ومبدع وعذب

كل التقدير