مرحبـا مرحبـا مــن قـبـل وبـعـد الإيــاب=ومرحبـا مرحبـا بسهيـل ولا هـو سهيـل
ما تخيب الهقـاوي فـي عزيـز الجنـاب=عاسفـه عـود ضـاري مـا يــرد الدخـيـل
اشهـد انّـك تغـيـب ويفقـدونـك صـحـاب=يـوم غيـرك غيابـه مـع حضـوره بـديـل
عاسفك عود وضاري بالمراجل شهاب=السماء منزلك والذيـب الاسحـم عميـل
نورك إن بان عوّى الذيب يقنب قِناب=الـف مرحـب هـلابـك يالـبـدر يالأصـيـل
إن شــــرّ الـخـلائــق كـلّــهــم والــكـــلاب=مـن يعـضّ اليمـيـن تـمـدّ لــه بالـجزيل
من يعدّ الجمايل , طيّب النّفـس طـاب=وناكـر الطّيـب مالـه صاحـب وْلا خليـل
الحـقـود الحـسـود عيـونـه عـيـون داب=فـرّتــه فــــرّة الـحـربــا ووضــعــه هــزيــل
اعشـق الطيْـب وآقـدر عـيـون الـذّيـاب=وأكــره الضبّـعـة العـرجـا بظـهـر الدّبـيـل